Ginhingadlan na ang bag-o nga director sang Bacolod City Police Office (BCPO).
Sa interview sang DYHB kay Police Lt. Colonel Arnel Solis, spokesperson sang Police Regional Office (PRO) 6, ginpahayag sini nga nakita niya ang order para kay P/Colonel Joeresty Coronica, director sang Iloilo City Police Office (ICPO) padulong sa BCPO. Subong nga adlaw, Hulyo 23, 2024, ginalauman na nga magapungko sa pwesto si Coronica.
Madumduman nga sang nagligad nga semana, gin-relieve si anay BCPO Director P/Colonel Noel Aliño kag ginsaylo ini bilang director sang Criminal Investigation and Detection Group (CIDG) sa National Capital Region (NCR). Si Coronica ang tumandok sang Bacolod City.
Damlag pa, ginkilala si Coronica nga “adopted son” sang Iloilo City paagi sa Executive Order (EO) No. 106, Series of 2024 nga pirmado ni Mayor Jerry Treñas. Si Coronica ang nagaisahanon lamang nga nangin ICPO Director nga ginkilala sang Iloilo City bilang “adopted son” bilang pagpasidungog sa iya maayo nga sebisyo sa ciudad sa iya nga termino.
