Opisyal na nga magapasakop ang probinsya sang Negros Occidental sa Miss Universe Philippines, ini paagi sa paglagdaanay sang kontrata kahapon Hulyo 22, 2024.
Nagtambong sa signing ceremony nga ginhiwat sa Sugarland Hotel ang Presidente kag CEO sang Miss Universe PH nga si Jonas Gaffud, kaupod sini si Miss Mags Cue, MUPH excecutive, Ms. Kashmere Granada bilang local director, Mr. Arnold Mercado director for local and Asia Pacific search kag Mr. Toots Jimenez bilang media relations officer.
Ginpahayag ni Granada nga sa bulan sang Agosto sila na ang magapangita sang kandidata para sa pinakauna nga Miss Universe Philippines-Negros Occidental kag ang pageant sini hiwaton sa bulan sang Nobyembre 2024.
Suno kay Gaffud nga madamo sang mga matahum nga mga kababainhan ang probinsya gani amo na ini ang nagakaigo nga tion nga makilala ini kag makahatag sang bugal kag dungog sa probinsya kun may yara ini sang mga magapasakop sa sining pinakauna nga paindes-indes sang kaalam kag katahum sang mga Negrense paagi sa MUPH-Negros Occidental.
