Nakilala na ang driver sang isa ka canter truck nga puno sang sinako nga bugas sa sitio Old Pabrika, Brgy. Cabagnaan, La Castellana, Negros Occidental kaina sang hapon, Hulyo 23, 2024.
Ginkilala ang driver nga si Ruel Memis sang Canlaon City, Negros Oriental. Una na ginpahayag nga nagpalagyo ang driver matapos ang aksidente apang nahibaluan nga ini ang gindala sa hospital kag ginbawian sang kabuhi. Ini bangud sang malubha nga pilas sa lawas matapos naglumpat sa iya nga truck matapos nga wala na naghawid ang iya preno sa kurbada nga dalan sa Sitio Old Pabrika.
Una na nagpanawagan si Barangay Kapitan Bon Sacapaño sang Brgy. Cabagnaan ang kun sin-o man nga tag iya sang truck bangud ginbayaan lamang ini sang naga-maneho matapos ang insidente. Gilayon naman nga ginpabalik karga ni Kapitan Sacapaño ang mga nagkalahulog nga sinako sang bugas sa amo nga canter.
Ang canter ang nagaduag sang puti, may ngalan nga Khyle & Reuelle sa atubangan kag may plate number nga GXP432.
