Pasakaan sang kaso nga frustrated murder ang foreigner nga gina-alegar naglabo sa iya boarders sa Block 15, Lot 15, Easthomes – 1 Subdivision, Brgy. Estefania, ciudad sang Bacolod, las-10:40, Lunes sang aga, Hulyo 22, 2024.
Ang suspek nga landlord ang ginkilala nga si William Joseph Safford, 60-anyos, may-asawa, isa ka American national gikan sa West Virginia, USA apang temporaryo nga naga-istar sa Barangay Estefania.
Samtang, ginkilala naman ang mga boarders nga sanday Jon Martin Corcelles Antonio, 36-anyos, residente sang Villa Homes, Barangay Vista Alegre kag live-in partner sini nga si Ma. Antonette Gillegao, 23-anyos, hair stylist kag residente naman sang Purok Rosal, Airport Subdivision, Barangay Singcang-Airport.
Suno sa report sang Bacolod Police Station 4, hinali na lamang nga nagsulod sa kwarto sang iya mga boarders si Safford nga may bitbit nga binangon kag hinali na lamang sini nga ginlabo si Gillego.
Sang makita ni Antonio nga ginlabo ang iya live-in partner, nagpalapit ini agud magtambag apang ginlabo man ini ni Safford. Naagaw ni Antonio ang binangon kag ginbalusan sini labo si Safford nga nag-igo sa iya abaga kag kamot.
