WORLD NEWS- Nagpatigayon sang search and rescue operation ang Taiwan Rescue Officials matapos nga naglugdang sa Sur nga bahin sang baybayon sang amo nga pungsod ang isa ka cargo ship nga may sakay nga siyam ka mga tripulante.
Ang amo nga barko ang may hayahay sang Tanzania nga yara sa puerto nga bahin sang Kaohsiung antes ang amo nga insidente, samtang nag-igo ang bagyong Gaemi ukon mas kilala bilang Super typhoon Carina sa Pilipinas.
Suno sa Taiwan’s Coastguard Administration, sakay sang amo nga barko ang siyam ka mga Myanmar national.
Nag-landfall sa Taiwan ang bagyo sa East nga bahin sang baybayon, adlaw sang Miyerkules, nga nagresulta sang pagkataliwan sang tatlo ka mga persona kag ginatos ang mga napilasan.
Nahibaluan, isa sa tatlo ka mga nagtaliwan ang motorista nga nahulugan sang natumba nga puno sang kahoy.
Ginkanselar sang mga opisyal ang pila ka bahin sang isla ang pagpatigayon sang pinakadako nga annual military drills, kadungan sa pagkanselar sang tanan nga mga domestic flights kag masobra 200 ka mga international flights.
