Nagdangat sa 16 kilos ukon balor P109 million ang shabu nga nakumpiskar sa nangin termino ni fomer Bacolod City Police Director (BCPO) Director Police Colonel Alińo. Suno sa record sang Police Regional Office (PRO) 6, nagdangat sa 619 ka mga suspek ang naaresto sa illegal drugs operation sa termino ni Alińo.
Sa kampanya naman batok sa mg wanted persons, 682 ang naaresto sa diin 192 ang most wanted persons samtang 490 naman ang other wanted persons. May yara naman sang s 261 illegal gambling operations nga nagresulta sa pagkadakop sang 875 individuals kag pagkumpiskar sang P87,000 nga bet money.
Sa kampanya naman kontra loose firearms, 55 ang naaresto, 56 ka armas ang nakumpiskar, 42 ka mga wala na-renew ang lisensya ang gindeposito samtang 145 naman nga wala sang lisensiya ang gin-surrender.
Madumduman nga gin-relived si Alińo sang July 19, matapos ang isa ka tuig kag tatlo ka bulan nga pagserbe bilang BCPO Director. Si Alińo ang butang nga bag-o nga director sang Criminal Investigation and Detection Group (CIDG) National Capital Region.
