PROVINCIAL CAPITOL – Nakahanda si Governor Eugenio Jose Lacson nga itanyag ang probinsiya sang Negros Occidental agud mangin host sang labing-una nga Regional Athletic Meet sa idalom sang Negros Island Region.
Ginpahayag sang gobernador nga bukas ini nga ipresentar ang probinsiya nga mag-host sang hinampang apang aminado si Lacson nga magadepende ini sa Department of Education kun igatan-ay ini nga oportunidad.
“Yes, we can always make that offer and we’ll see if we will win that vote to host the very first NIR Regional Meet”, pahayag ni Gov. Lacson
Samtang, ginpabutyag ni Governor Lacson nga dapat mag-preparar ang mga Negrense nga dominahon ang NIR Regional Athletic Association Meet batok sa Negros Oriental kag Siquijor.
Suno kay Lacson, pagapilion man ang pinakamaayo nga mga humalampang nga magatiglawas sang NIR sa Palarong Pambansa agud makahimo sang maayo nga impresyon sa national level. I Deped photo
