BACOLOD CITY- Magasaylo na sa sulod sang merkado ang kapin 160 ka mga vendors sa Sum-ag Public Market nga ginsuguran kay-o sadtong tuig 2021.
Base sa pahayag ni Punong Barangay Rodney Carmona sang Barangay Sum-ag ciudad sang Bacolod, ang kapin 160 ka mga vendors ang nagabaligya sang prutas, utan, isda, kag dry goods.
Samtang may kapin siyam pa ka mga manugbaligya sang karne ang magapabilin sa gwa sang merkado bangod wala pa ini sila sang nagakaigo nga pwesto sa sulod.
May suplay naman sang tubig kag kuryente ang amo nga merkado.
Dugang pa ni Carmona, indi pa sarang magamit ang parking area sa ibabaw bangod may nagaharang pa nga poste sang CENECO padulong diri.
May tatlo ka phases ang pagpatukod sang merkado, kag may kulang pa nga kapin ₱8 million nga budget, amo nga nadelay ang pagpahuman sini.
Nagpa-blessing kag nagpatigayon sang soft opening ang merkado sini nga adlaw sang Domingo, Hulyo 28.
Punong Brgy. Rodney Carmona
