WORLD NEWS- Patay ang 12 ka mga indibidwal lakip na ang mga kabataan kag 13 ang pilason sa pagpang-atake sang Hezbollah, Lebanon gamit ang rocket sa football ground sang Israeli-occupied Golan Heights.
Gin-target sang pagpang-atake ang football pitch sa Druze Village sang Majdal Shams, kun sa diin ang amo nga teritoryo ang nakuha sang Israel sa Syria sadtong 1967 Middle East war.
Ang Majdal Shams ang isa sa mga apat ka lugar sa Golan Heights, kun sa diin 25,000 ka mga miyembro sang Arabic-speaking Druz religious kag ethnic group ang naistar diri.
Nagpangin-wala sa responsibilidad ang Hezbollah sa amo nga pagpang-atake, kag ginsiling sini nga wala labot ang Islamic Resistance sa insidente.
Samtang suno kay Prime Minister Benjamin Netanyahu, ang Hezbollah ang magabayad ukon magapangatubang sang dako nga konsekwensiya sa ginpatigayon nga pagpang-atake.
