Handa na ang Police Regional Office (PRO) – 6 para sa pagbukas sang klase subong nga adlaw, Hulyo, 29, 2024.
Ginmanduan na ni PRO-6 Regional Director, Brigadier General Jack L. Wanky ang tanan nga station commanders nga ipasiguro nga mangin luwas kag matawhay ang pagbukas sang klase sa Western Visayas.
Iga-maximize sang PRO-6 ang deployment sang mga police personnel sa mga identified strategic areas kaangay sang eskwelahan, terminal kag transportation hubs.
Ang mga barangay officials, tanod kag force multipliers ang magabulig man sa mga pulis agud mapasiguro ang public safety sa tagsa nila ka mga barangay.
Samtang ang mga traffic enforcement units sang tagsa ka local government units (LGU) ang magabulig man sa mga pulis sa pag-dereher sang dalanon agud mangin matawhay ang lakat sang mga salakyan.
