WORLD NEWS- Nagpanumpa si Italy Prime Minister Giorgia Meloni nga igalunsar liwat ang relasyon sini sa China samtang ginasugdan niya ang una nga pagbisita sa Beijing halin sang nagpungko siya sa posisyon.
Nakigkita si Meloni kay Chinese Premier Li Qiang sa nauna nga lima ka adlaw nga pagpadulong sini sa China kag nagpirma sang three-year plan sa pagpasanyog sang economic cooperation sa tunga sang duha ka nasyon.
Ini pagkatapos nga ginkuha ni Meloni sang tinalikdan nga tuig ang Italy sa pagpirma ni Presidente Xi Jinping sa Belt and Road Initiative (BRI), kun sa diin sa amo nga tion, ang Rome nagsiling nga ang investment sang China ang napaslawan sa pagdala sang benepisyo sa Italy.
Ginlaragway ni Meloni ang amo nga pagpadulong sa pungsod bilang isa ka panibag-o nga bahin sang bilateral cooperation.
Dugang pa sang PM, nagperma ang duha ka pungsod sang agreement nga tuyo nga magpasanyog sang kooperasyon sang electric vehicle kag renewable energy.
Ang Italy lamang ang mayor nga lugar nga kabahin sang Western nation nga naglagda sang BRI, isa sa makabig nga isa sa mga handom sang China nga proyekto para sa negosyo kag imprastraktura.
