Kapin P1.4 million ang nangin kahalitan sang sunog nga nagluntad pasada las 3 kaina sang kaagahon, July 31 sa Purok Kagaykay, Brgy. 2 ciudad sang Bacolod.
Suno kay Bureau of Fire Protection (BFP) – City Fire Marshal , Fire Superintendent Jenny Mae Masip, naghalin ang kalayo sa isa ka abandonado nga balay nga ginapanag-iyahan naman ni Monaliza Magbanua.
Nahibaluan nga isa ka lalaki ang naga-istar sa balay ni Magbanua nga ginkilala kay alyas “Waldo” nga ginapatihan nag gamit sang improvised mosquito repellant rason ngaa nasunog ang balay.
Sa report sang Bacolod City- Department of Social Welfare and Development (DSSD) nahibaluan nga masobra 70 ka mga pamilya nga ginabug-usan sang 276 ka mga indibidwal ang apektado.
Mga 94 diri mga kabataan; anom ka mga lapsag; 12 ang senior citizen kag isa ang PWD.
Nagpalab-ot naman sang bulig ang ciudad sa mga apektado nga pumuluyo.
