SIPALAY CITY- Ginklaro ni 302nd Infantry Brigade Commander Lieutenant Colonel Joey Escanillas nga wala sang mga katapo sang militar ukon 15th Infantry Battalion ang nagsulod sang balay sa pamilya Libona sa Sitio Cambo-giut, Barangay Camindangan ciudad sang Sipalay.
Base sa interview sang DYHB kay Lt. Col. Escanillas, sa gwa sang balay sang pamilya Libona nagluntad ang engkwentro sa tunga sang militar kag remnant sang South West Negros Front sadtong Agosto 1.
Madumduman una nga gin-alegar ni Chona Libona, nagapanag-iya sang amo nga balay nga gilayon nga ginsulod sang mga katapo sang nagasuksok sang uniporme kaangay sang militar ang balay nga daw may ginapangita sa sulod kag ginpanglapta ang ila kagamitanan, kun sa isa man sa mga alegasyon niya nga may nadula nga ₱43,000 cash nga inugbakal kuntani sang abuno.
Ginklaro ni Escanillas, nga ginabawal ang mga militar nga magsulod sa mga panimalay ilabi na kun sila ang nagapatigayon sang operation, magluwas na lamang kun kinahanglanon kag nagakadapat gid.
Isa sa mga training sa mga militar nga mangin disiplinado kag pagrespeto sa kinamatarong sang tagsa ka indibidwal ukon human rights.
Dugang pa sang commander, nagapatigayon sa karun sang recovery activity ang katapo sang rebelde kun sa diin ila ginapadulungan ang mga anay contact nila sa lugar.
