Ginasugdan na sa karon ang pagpatukod sang Bacolod City Disaster Risk Reduction and Management Building and Operations Center sa diin madamo sa mga opisyales ang nagpabutyag sang positibo nga komento angut diri.
Ginpahayag sang spokesperson ni Mayor Albee Benitez nga si Atty. Caesar Distrito sa iya social media post nga isa ini sa pinaka-maayo nga proyekto sang ciudad bangud ang DRRMO ang pinaka importante man nga opisina sang lokal nga panguluhan.
Dugang pa sini nga ang responsibilidad sang DRRMO ang indi lahog-lahog amo kun ngaa ang pagpatukod sang ini nga pasilidad ang dako gid nga butang para mapa-ayo pa ang ila nga pagpangalagad.
Ang amu nga building ang nahamtang sa Sardonyx Street, Purok Sunflower, Barangay Taculing.
