Nakaluwas sa kamatayon ang apat ka tuig nga bata sa France matapos ini mahulog sa ika-16 nga panalgan sang ila nga apartment.
Si Enzo ang himala nga nakaluwas sa pagkahulog sini halin 16th floor kag wala man lang nakaangkon sang seryoso nga injury.
Kapin 43-metros ang gindagdagan sini kag bagras lamang sa lawas gintuga sini.
Na-diagnose nga may autism si Enzo kag una ini nga nabatian sang iya amay nga si Ji nga nagahilibion ini sa iya kwarto. Gilayon siya ginkadtuan sang iya amay apang nakibot nalang ini nga naka-lock ang kwarto. First time ini natabo kag ang ila nga suspetso, aksidente ini nga gin-lock mismo ni Enzo.
Minuto ang nakaligad, ginguba ni Ji ang pwertahan kag nakibot nalang ini nga wala na siya sang gahod nga mabatian kag wala naman si Enzo.
Diri iya nakita nga bukas na ang pirtahan kag paglili niya sa balcony, iya nakita si Enzo nga nagahigda sa atop sang isa ka pharmacy sa ground floor kag wala na naga giho.
Gilayon nagpanaog si Ji sa apartment kag ginsaka sa atop sang pharmacy si Enzo sa kakulba nga basi wala na sang kabuhi pa ang iya anak.
Apang, nakibot nlng ini sang iya makita nga nagmato-mato man bangon si Enzo halin sa pagkalipong kag sang ila gin-check ang lawas sini wala sila sang may nakita nga dugo, bagras lang sa iya sini nga batiis.
Gindala sa gihapon ni Ji si enzo sa ospital bangud nagakabalaka ini nga basi may internal injuries si Enzo.
Pito ka adlaw gin obserbahan si Enzo sa diin pila ka mga tests ang ginpatigayon sang mga doktor agud siguraduhon nga healthy ang bata.
