WORLD NEWS- Patay ang kapin 90 ka mga persona, matapos nga nagluntad ang kinagamo sa tunga sang mga kapulisan kag anti-government protesters sa Bangladesh, sadtong adlaw sang Domingo, Agosto 4.
Ang kinagamo nagluntad samtang ang mga lider sang estudyante nagdeklarar sang kampanya natuhoy sa civil disobedience.
Lakip sa mga nagtaliwan ang 13 ka mga kapulisan matapos nga gin-atake sang pila ka libo nga mga persona ang police station sa Sirajganj.
Ang amo nga protesta ang kabahin sa ginahingyo sa mga estudyante nga i-abolish ang mga quotas sa civil service nga trabaho, sang tinalikdan nga bulan.
Ang mga kapulisan kag pila ka mga supporter sang governing party, nasaksihan ang pagpangluthang sa anti-government protesters.
Nagamit sang tear gas kag rubber bullets ang mga kapulisan sa amo nga kinagamo.
Nagapanawagan si Volker Türk, United Nation Human Rights Chief, nga tapuson na ang amo nga kinagamo kag nagahingyo sang pagpugong sang mga politiko kag security forces sang Bangladesh.
