Ginpasiguro ni Kabankalan City Mayor Benjie Miranda nga handa sila nga magpaguwa sang pundo agud mabayaran ang kapin 600 ka mga support staff sa ginhiwat nga October 2023 Barangay and Sangguniang Kabataan Elections kun bastante na nga basehan ang legal opinion sang Commission on Elections Negros Island Region (Comelec-NIR).
Ginpahayag sang alkalde nga sadto pa man, willing na sila nga mag-alokar sang pundo para sa honoraria sang amo nga mga support staff apang wala lang sila sang legal basis.
Agosto 2 sang iya nabaton ang legal opinion ni Comelec-NIR Regional Election Attorney Cindy Ballesteros nga mahimo nga bayaran sang LGU ang mga support staff kun may available sila nga pundo.
Suno kay Mayor Miranda, iya patun-an sa ila nga City Legal Officer kun bastante nga legal basis ang opinion sang Comelec-NIR kag kun may rekomendasyon, handa ini nga iduso ang pagpasar sang supplemental budget para sa amo nga katuyuan.
Ginpabutyag sini nga dapat mabayaran ang mga support staff bangud nagbulig sila sa ginhiwat nga eleksyon.
Sa madumduman nga nag-hire ang City Election Office sang Kabankalan sang 661 ka mga manunudlo nga mag-serve bilang support staff sa BSKE sa pihak nga indi ini authorized sang Comelec
