BACOLOD CITY- Nagpadulong sa ciudad sang Bacolod ang Philippine Deposit Insurance Corporation (PDIC) sa pagpanguna ni Vice President Jose Villaret Jr., agod ipabalo sa publiko ang importansiya sa pagtipon sang kwarta pinaagi sa bangko nga yara sa idalom sang korporasyon.
Ginpahayag ni Villaret, nga tuman kadako ang importansiya nga magtipon sang kwarta sa bangko kag indi sa balay, bangod sa posibilidad nga ini ang makawat, masunog, ukon maanayan.
Ang PDIC, ang isa ka korporasyon nga naga-protekta sang mga kwarta sang depositor, ilabi na sa indi mag sobra sa ₱500,000 ang gintago sa bangko, bangod sila ang nagahatag sang assurance sa publiko nga mabalik sa ila ang kwarta kun ang ang bangko ang magapanira ukon maga-untat sang ila operasyon.
Ginklaro ni Villaret nga gina-proteksiyonan sang PDIC ang kada depositor kag indi ang kada-account sang bangko amo nga sila ang nagapahanumdom sa publiko nga hibaluon ang bangko nga gintaguan sang kwarta; hibaluon ang bank products; hibaluon ang bank services kag balayran; siguradohon nga ang bank record ang safe kag updated; mag transact lamang sa mga authorized bank personnel; kilalahun ang PDIC; kag mangin vigilante sa mga offers nga makabig nga “too good to be true”.
