May kilala ka man bala nga baby face?
May edad na apang ang itsura daw hubin lang sa gihapon.
Tanan kita, magatigulang gid mag-abot ang panahon apang handom sang kadam-an nga ma-preserve lang sa gihapon ang ila youthfulness apisar nagalakat ang tiyempo.
May iban nga nagapa botox agud indi bal-anon ang wrinkles kag maghugot ang panit, may iban nga naga skin care lang kag may yara man sang naga exercise kag kaon healthy nga mga pagkaon agud mangin young looking.
Isa ka lalaki sa Detroit, Michigan, USA ang nag-trending sa social media bangud sa “baby face” sini bisan pa 35 na ang iya edad.
Gingamit ni Brandon Miles ang iya social media popularity pinaagi sa pag-share sang iya mga skincare kag health tips agud mamintinar ang kabataon sang iya itsura.
Apang antis pa man ini nagsikat, iya na una ginpakigbahin nga may hormonal disorder ini rason nga daw wala siya nagatigulang.
Pila sa mga nagakomento sa videos ni Miles ang nagadayaw sa sahi sang iya napili i-content— educational kag siyempre, makabulig sa ikaayong lawas sang iya mga followers.
