Priso karon sa Police Station 8 ang tatlo ka mga drug personalities nga naaresto sa ginpatigayon nga buy-bust operation sa Lopue’s South Square, Barangay Tangub, Bacolod City pasado las-7 sang gab-i, Agosto 10, 2024.
Mga subject sa operasyon amo ang isa ka miyembro sang Bugalon Drug Group nga si Jerome Paurillo, 37 anyos, residente sang Kamang-kamang, banwa sang Isabela.
Upod sini ang duha ka mga high value individual (HVI) nga sanday Lloyd Paul Toculan, 29, construction worker, residente sang Zarandin, banwa sang Valladolid kag Aive Jean Colonia, 32 residente sang Barangay Nanunga, Hinigaran.
Nakuha sa mga ini ang kapin 300 grams nga ginapatihan shabu nga nagabalor sang P2,040,000.
