Nagbisita kag nakigsugilanon si Mayor Albee Benitez sa mga nasunugan nga residente sa Purok Kagaykay, Barangay 2, Bacolod City.
Upod ni Mayor Benitez sa pagbisita ang mga personnel sang Bureau of Fire Protection (BFP) sa pagpamuno ni City Fire Marshall, Fire Superintendent Jenny Mae Masip. Sa iya nga pagbisita, ginpasiguro sang alkalde ang padayon nga pagsuporta sang ciudad sa mga nasunugan. Ginhatagan man pagtamod sang alkalde ang importansiya sang fire safety and prevention subong man ang pagpabilin nga vigilante.
Ang pagbisita ni Mayor Albee kag sang BFP sa mga nasunugan ang kabahin sa gihapon sang Fire Safety Awareness campaign sa idalom sang Red Zone Program. Sa nahibaluan nga sa ciudad sang Bacolod may yara karon sang 195 ka mga purok nga ginakabig red zone ukon fire prone areas.
Madumduman nga 81 ka balay ang nasunog sa Purok Kagaykay, kaagahon sang Hulyo 31, 2024.
