Gin-confirm sang Kapamilya stars Kim Chiu kag Paulo Avelino nga maga-upod ini liwat sa isa ka pelikula.
‘My Love Will Make You Disappear.’ Amo naman ini ang titulo sang pelikula nga pagahimuon nila sa diin first time nila nga maga-upod sa isa ka rom-com film.
Para sa actress nga si Kim Chiu, daku ang pagpasalamat niya tungod bisan pa nga halin ini sa break up sadto kag naanad na ang mga netizens nga si Xian Lim ang ka partner niya halin una, pero ginbaton kag ginpalanga sang mga tumalan-aw ang tandem nila.
Madumduman nga year 2023 sang una nga naka-trabaho ni Avelino kag Chiu ang isa kag isa kag asta subong nagpatok ang love team nila kag mas ginkakiligan pa.
Para kay Pau, sang una may nabatian pa siya nga kuno ini magpatok ang team up nila sang actress pero wala na nila ato gin-hatagan atensyon tungod nakahibalo siya nga may mga fans kag supporters man gihapon nga magasubaybay sang tv project nila.
Subong, masako man ang duha sa wala kag tuo nga mga guesting kag tv projects, para sa KimPau utang nila ang kon ano man nga kasikatan nga ila naagom kag maagom pa sa mga fans nga padayon nga nagapalangga sa ila.
