Cien porsyento nga naparalisar ang mga lugar nga wala sang nagabyahe nga modernized jeep sa duha ka adlaw nga transport strike nga ginpatigayon sa Bacolod.
Suno kay Rodolfo Gardoce, presidente sang UNDOC-Piston, ang mga ruta sa Bacolod nga may nagabyahe nga modernized jeep, 85 porsyento nga naparalisar sa duha ka adlaw nga transport strike, sugod sang Agosto 14. Apang suno kay Gardoce, ang mga ruta naman nga wala sang modernized jeep, 100 percent ini nga naparalisar.
Kasunod sini, nagpangayo sang pasaylo si Gardoce sa commuters nga naapektuhan sang duha ka adlaw nga untat-byahe. Apang nanindugan si Gardoce sa ila ginapakigbato bangud suno sa iya, para ini sa mga ginikanan kag estudyante nga madak-an sa mahal nga plete sa modernized jeeps kon wala na sang mga traditional units nga magabyahe.
