Isa ka wanted nga kriminal sa pungsod America ang duha ka dekada na nga ginapangita sang kapulisan kag karon lang natukiban nga nagatrabaho ini bilang police officer sa pungsod Mexico.
Si Antonio “El Diablo” Riano ang makabig fugitive ukon kriminal nga nakapalagyo kag nagapanago sa malawig na nga tinion sa pihak sang involvement sini sa isa ka patal nga shooting incident sa Cincinnati.
Natukiban nga sang December 2004, apat ka adlaw antis ang paskwa, may nakuntra si Antonio sa isa ka bar kag diri nakita sa CCTV footage nga nagbunot si Antonio sang pusil kag gintiro ang isa ka lalaki sa ulo.
Gilayon nga nakapalagyo kag nakapanago si Antonio apisar isa Nationwide hunt ang ginpatigayon.
20 years ago, indi pa uso ang facebook apang sa ini nga mga tinion, nagdisider ang isa ka anay deputy sa nasiling nga kaso nga mag-scroll sa social media kag magpasimpalad nga makita sini si El Diablo.
Wala man ini napaslawan bangud sang iya pag-search sa pangalan nga Antonio Riano, nakibot nalang ini sang iya makita ang itsura sang lalaki nga malawig niya na ginapangita.
Mas nakibot pa gid ini sang iya matukiban nga isa na ka police officer sa Mexcian state of Oaxaca ang nasiling nga suspek.
Bangud sang ini nga rebelasyon, nagsugot ang otoridad sa Mexico nga ibalik sa USA si El Diablo agud serbehan sini ang iya sala nga nahimo, nagapangatubang sa karon sang life sentence bangud sa kaso nga murder
