Natigayon nga mapatay sang mga Israeli ang duha ka mga senior Hamas militants pinaagi sa ginpatigayon nga air strike sa West Bank.
Suno sa joint statement sang Israel Security Agency kag Israel Defense Forces, ang amo nga mga militante ang ginkilala nanday Ahmed Abu Ara kag Rafet Dawasi, nga lunsay nagikan sa Northern District sang West Bank nga nahamtang sa bahin sang Jenin.
Samtang base sa Hamas’ Al-Qassam Brigades military wing, ila sa karun ginakasubo ang pagtaliwan sang duha nila ka mga kaupdanan sa amo nga insidente.
Gina-alegar sang Israel, ang ang duha ka mga militante ang kabahin sa pagplano sa ginpatigayon nga pagpang-atake sang tinalikdan nga semana sa West Bank’s Jordan Valley kun sa diin napatay ang isa ka Israeli nga si Yonatan Deutsch.
