WORLD NEWS- Nagapatigayon sa karun sang imbestigasyon ang mga kapulisan sang Israel matapos nga nagluntad ang makamamatay nga paglupok sa Tel Aviv nga nagresulta sa kamatayon sang isa ka persona kag pagka-agom sang pilas sang isa pa.
Suno kay District Commander Peretz Amar, ang wala pa makilal-an nga napatay ang ginapatihan nga amo ang nagadala sang explosive material.
Gilayon naman nga gindala sa ospital ang pilason nga persona matapos nga siya ang naigo sang shrapnel sa idalom nga bahin sang iya lawas.
Nagapabilin nga yara sa idalom sang high alert ang lugar bangod sa nagabaskog nga tensyon sa rehiyon nga may kaangtanan sa kinagamo sa Gaza.
Indi pa klaro sa karun kun ang amo nga hitabo ang may kaangtanan sa complex security nga sitwasyon.
Dugang pa ni Amar, tuman pa ka temprano para isiling nga ang amo nga insidente ang makabig nga terrorist attack.
