Santo sa advisory sang DOST-PHIVOLS base Flyspec measurements, narekord sini nga adlaw ang 7,172 tonnes/day nga gas emission sang bukkan. Ini na ang ikaduha nga mataas nga pagbuga sang aso sa bulkan halin sang nagsugod ang instrumental gas monitoring diri. Sini nga tuig, naga-everage sang 1,273 tonnes/day ang gas emission sang Bulkan Kanlaon antes ang June 2023 eruption. Sumugod sang June 3, nag-average na sa 3,351 tonnes/day ang gas emission sanang bulkan. Naga-average naman sa 9 events/day ang volcanic earthquake activity sang Bulkan Kanlaon. Santo man sa monitoring sang DOST-PHIVOLCS nagapadayon ang swelling ukon paghabok sang palibot sang bulkan. Nagapabilin sa Alert Level ang Bulkan Kanlaon kag hugot nga ginadumili ang pagsulod sa 4-kilometer permanent danzer zone.
