Isa ka Indiano ang karon gina-bash sa social media matapos ini gin-akusar nga nang emotional blackmail sa iya pigado nga iloy agud baklan ini sang iphone.
Isa ka smartphone shop sa India ang nag viral matapos sini gin-feature ang isa ka teenager nga nag-hunger strike ukon nagpagutom sa sulod sang tatlo ka adlaw agud kumbinsihon ang iloy sini nga baklan siya sang bag-o nga iPhone.
Natukiban nga ang iloy sini ang nagabaligya sang bulak sa gwa sang isa ka temple.
Pila sa mga netizen ang nagakomento nga kitaon sa facial expression sang iloy nga nagalalain ini.
Suno pa sa iban, madamo sa ini nga henerasyon ang wala natudluan sang maayo nga pamatasan.
Suno sa iloy, ginbaklan niya sang cellphone ang iya anak bangud nagakabalaka ini nga basi ano matabo sa iya anak bangud sang pagpagutom sini.
Malipayon siya matuod nga nahatag niya ang gina-request sang iya anak apang aminado ini nga kinahanglan niya mag doble kayod agud maka kwarta sa liwat.
