Magaserbe si Vice Mayor El Cid Familiaran bilang acting mayor sa ciudad sang Bacolod sa sulod sang apat ka adlaw humalin Biyernes, August 30 tubtob Lunes, September 2, 2024.
Ini bangud nga si Mayor Albee Benitez kaupod ang mga konsehal kag department heads ang magapadulong sa pungsod Thailand para talakayon ang budget para sa tuig 2025.
Suno kay Familiarian nga magaupod man kuntani ini sa pagtalakay sang budget apang indi magpahanugot ang Department of Interior and Local Government (DILG) nga wala may mabilin nga opisyal sa ciudad.
Ginklaro man sang bise alkalde nga personal nga gasto ni Mayor Albee ang pagpadulong nila sa Thailand.
