Nagpatigayon sang coordination meeting ang Police Regional Office (PRO) 6 sa mga opisyales sang Central Philippine State University (CPSU) kag ciudad sang Kabankalan para sa donasyon sang duta nga patindugan sang regional office para sa Negros Island Region (NIR).
Si PRO-6 Director, Police Brigadier General Jack Wanky ang nagbisita sa CPSU campus sa Brgy. Camingawan sa diin nakigsapol ini sa school president nga Dr. Aladino Moraca kag Vice President for Academic Affairs nga si Fernand Abello.
Nag-upod man sa meeting si Marc Alexi Bajas, Vice President for Administration PRO6 Finance kag Mayor Benjie Miranda sang Kabankalan City.
