Pilason ang isa ka trisikad driver matapos gintiro sa National Highway, Barangay Suba banwa sang Calatrava las 5:30 sang hapon, Agosto 30, 2024.
Ginkilala ang biktima nga si Presco Bucog, 46 anyos residente sang Sitio Dalaquit, Barangay Bantayanon, banwa sang Calatrava samtang ang suspek naman ang ginkilala kay Brian Nierves, 44 anyos, residente Sitio Ruyo, Barangay Suba sang pareha nga banwa.
Base sa imbestigasyon sang Calatrava Municipal Police Station, samtang naga pungko kag naga isip ang biktima sang iya income sa iya sini trisikad, hinali nga nag labay si Nierves kag gintiro si Bucog kag naigo ini sa iya wala nga guya.
Gilayon man nga na rescue sang Calatrava DRRMO personnel si Bucog kag madasig man nga na dul-ong sa Calatrava Municipal Hospital kag luwas na karon sa katalagman.
Natigayon man nga nadakop ang suspetsado nga yara karon sa kustodiya sang kapulisan.
Padayun sa gihapon ang imbestigasyon sang Calatrava MPS natuhoy sa insidente. | DYHB News
