Gin-ako ni Rene John Nasis alyas Boy Negro ang pagpang-molestiya sa iya manak nga si Pearl Joy Galve nga nasapwan nga wala sang kabuhi sa tunga sang kampo sa Hacienda San Roque Barangay Cubay, ciudad sang La Carlota.
Ginpahayag ni Manuel Fayre Jr., Chief sang National Bureau of Investigation, nga nagpadulong si Nasis sa ila nga talatapan matapos nga nabatunan ang sub poena.
Nahibaluan nga 12-anyos pa lamang si Pearl Joy gina-molestiyahan niya na ang manak sa makapila ka beses.
Madumduman una na nga ginpanginwala ni Nasis ang amo nga alegasyon batok sa iya.
Sa karun natalana nga mag file sang kaso ang NBI- Bacolod City sa paglapas sang Republic Act 9262 ukon Anti-Violence Against Women and their Children Act of 2004 kay Nasis.
