Karon nga panahon, madamo na sang mga tawo ang naga-engage sa paggamit sang iligal nga droga sa bilog nga kalibutan, apang nagsulod bala sa pinsar mo nga isa ka sapat ang natukiban nagpositibo sa cocaine?
13 ka mga sharpnose sharks ukon bagis sa Rio De Janeiro, Brazil ang nagpositibo sa iligal nga droga base sa report sang marine bioligists sa pungsod.
Apang paano bala nagpositibo ang nasiling nga isda sa droga?
Nagapati ang mga manugpanalawsaw nga naapektuhan ang marine life bangud sa pila man ka mga aktibidad nga nagakatabo diri.
Ini posible bangud sa tonelada ka mga cocaine nga ginahaboy sang mga smugglers sa baybayon.
Ang presensya sang iligal nga droga ang nakita sa muscles sang mga bagis base sa ginpatigayon nga testing.
Halin pa man sang nagliligad nga tuig, madamo na sang may narekober nga mga ginpanghaboy nga cocaine sa baybayon.
Hunyo sang nagligad nga tuig, na-recover sang US coastguard ang 6,400 kg sang cocaine sa Caribbean Sea kag Atlantic Ocean. Ini wng ginabulubanta nagabalor sang $186 million ukon P11 billion.
