Patay ang isa sa anum ka mananagat nga residente sang Victorias City, Negros Occidental, matapos nga gina-alegar gin-straffing sang mga mananagat samtang nagapang-isda sa sa isla sang Cebu, las-5 sang kaagahon, adlaw sang Martes, Setyembre 3.
Ang biktima ang ginkilala nga si Rex Dela Cruz, 45-anyos, kag residente sang Barangay 9 ciudad sang Victorias.
Suno sa pahayag ni Barry Bagaporo, nagapanag-iya sang fishing boat, nauna nga bes ni Dela Cruz nga magpalayag sakay sa iya nga bangka, kag sa napulo ka tuig niya nga pag-negosyo, ini man ang nauna nga bes nga nangin biktima ang iya mga tripulante sa amo nga insidente.
Ginklaro ni Bagaporo, nga legal nga nagapanagat ang ginapanag-iyahan nga commercial fishing boat kag kompleto ang papeles sini.
Nahibaluan las-12 sang udto, Lunes nga adlaw, Setyembre 2, naghalin sa Victorias ang mga manugpanagat.
