MADRIDEJOS CEBU- Ginkompirmar sang Madridejos Municipal Police Station nga miyembro sang Bantay Dagat sa amo nga banwa ang apat ka mga persona nga nagpaarak luthang sa anum ka mga tripulante nagikan sa Victorias City, Negros Occidental nga nagresulta sa kamatayon sang isa nila ka kaupdanan nga manugpanagat sadtong Setyembre 3.
Ang biktima ginkilala nga si Rex Dela Cruz, 45-anyos, residente sang Brgy. 9 Victorias City.
Magluwas sa lima ka mga tripulante nga luwas sa amo nga insidente may duha ka mga persona ang nakasaksi nga may apat ka bantay dagat ang nagpatrolya sa kadagatan sa amo nga adlaw.
Base sa pahayag ni Police Lieutenant Michael John Bañes, hepe sang amo nga estasyon, yara sa kustodiya sang mga kapulisan ang mga suspetsado kag sila ang magapatigayon sang paraffin test. Ginklaro ni Bañes nga wala nakahibalo ang otoridad nga sila ang nagpatigayon sang seaborne patrol bangod wala sila nakahatag sang clearance sa amo nga bantay dagat.
Madumduman una na nga ginpahayag sang kapitan sang fishing boat nga may apat ka mga ginapatihan bantay dagat ang nagpara sa ila bagod sila ang yara sa sulod sang 12 kilometers sa municipal water sa amo nga banwa.
Sila ang ginaparahan kag hinali lang ginpaarakan luthang nga nagresulta sa kamatayon sang ila isa ka upod. Ginpalayag sang Madridejos MPS, nga nasolbar na ang amo nga kaso kag natalana pagapasakaan sang kaso ang amo nga suspetsado.
