Halos tanan nga mga butang nga aton kinahanglan sa pang adlaw-adlaw ang makita kag ma order na online, kun diin nga online store ang barato kag may discount, syempre, didto kita. Apang paano kun ang barato sini nga presyo ang bangud lang sa sala nga pagpamutang presyo sang empleyado sini? Paano kun “Order placed” na? Masugot ka bala nga i-withdraw ang imo order kag i-refund ka nalang? Ang Little Swan Dongshan Franchise Shop ang karon naga problema kun paano nila mapakalma ang mga nagapinangakig nga mga customers matapos nga gin-withdraw sang kumpanya ang orders nga washing machine sa ila. Ini matapos nga nabaligya sang kumpanya ang 70-million yuan nga balor sang washing machines sa tag 40-million yuan lang. Ini matapos nga magsala ang ila empleyado sa pag-presyo sini. Bangud sini, sarang ma mierde sang 30 million yuan ang tindahan. Agud indi ang mga ini ma puti, nagpangayo nalang sang pasensya ang tag-iya sang store sa mga customers kag nagpaathag nga sala nga presyo ang na “add to cart” kag nag order sini. Natukiban nga ang tag 1,699 yuan ukon nga washing machines ang ginpresyuhan sang empleyado sini nga tag 299 yuan.
