Nakuhaan sang kapin P374,000 nga balor sang suspected shabu ang tatlo ka drug personalities sa ginpatigayon nga buy bust operation las-1:20 sang kaagahon, Setyembre 10, sa Purok Mars, Barangay Singcang-Airport, ciudad sang Bacolod. Sa report sang Bacolod City Police Station 8, ginkilala ang mga suspetsado nga sanday Alvin Nieves, alyas “Alog”, 41-anyos, live-in partner sini nga si Marilyn Dinson, 38-anyos, kag Niña Diosanta, 37-anyos, lunsay mga pumuluyo sang nasambit nga lugar. Nakuha sa possession sang mga suspetsado ang pila ka mga plastic sachet sang ginapatihan shabu nga nagabug-at sang 55 grams. Priso karon ang mga suspetsado sa Bacolod Police Station 8 kag magapangatubang sang violation of Republic Act 9165 ukon Comprehensive Dangerous Drugs Act of 2002.
