Isa ka English tattoo artist ang karon viral online bangud sa pinasahi sini nga style sa pagpang tattoo.
Indi ini kaangay sa masami mo lang makita sa diin ginatuslok sang dagum nga may ink ang panit.
Ang ginapabugal nga artwork ni Daniel Gulliver ang kun imo tulukon, daw gin-carve ukon gin-ukat ang mismo panit ka tawo.
Ini ang ginatawag debossed tattoo.
Si Gulliver ang sikat sa nagkalain-lain sini nga tattoo styles halin sa miniature ultra-realistic portraits kag impressive optical illusions nga daw naga lutaw ang drawing sa panit ka tawo.
Pero, mas nakilala pa ang artwork sini sang iya na ginsugdan ang debossed tattoo. Daw manindog lang balahibo mo sa illusyon sang ini nga style apang tuman man ka id-id ang pag style sini agud ma-achieve ang embossed tattoo effect.
Bata pa lang si Daniel, klaro na sa iya pinsar nga luyag sini mangin isa ka tattoo artist amo kun ngaa wala na ini nagpadayon pa sa iya kurso kag nagtutok na lang sa pag-practice sang pagpang-tattoo.
Sa karon, si Daniel ang isa sa mga in demand tattoo artists sa UK.
