Nagdeklarar sang suspension sang klase ang Bacolod City kag pila ka mga local government units sa probinsiya sang Negros Occidental sini nga Byernes, Setyembre 13, 2024 bangud sang maulanon nga panahon tuga sang habagat kag ginpabaskog sang Tropical Storm Bebinca.
Kagab-i, gindeklarar ni Mayor Albee Benitez nga suspendido ang klase sa pre-school tubtob senior high school sa Bacolod subong nga adlaw.
Samtang ang banwa kag ciudad sa probinsiya naman ang nagdeklarar sang class suspension, all levels sa public and private schools. Ini ang ginalakipan sang E.B. Magalona, Isabela, Binalbagan, Cauayan, Pulupandan, Bago City, La Carlota, Hinigaran, Hinoba-an, Himamaylan City kag Sipalay.
Suspendido man ang klase sa Murcia, Talisay City, Silay City, Victorias City, Pontevedra, Ilog, Kabankalan kag Candoni.
