Dakop ang isa ka 40 anyos nga lalaki sa buy bust operation nga ginpatigayon sang mga katapo sang Moises Padilla Municipal Police Station, la-1:30 sang hapon, Setyembre 12, 2024.
Ginkilala ang suspetsado nga si Jed Gumban, soltero kag residente sang Sitio Lemonsito, Barangay Quintin Remo, banwa sang Moises Padilla nga naga-volunteer sa DRRMO sang nasambit nga banwa.
Si Gumban ang ginakabig man nga Street Level Individual sang mga kapulisan. Nakuha sa suspetsado ang 4 ka pakete sang ginapatihan shabu nga nagabug-at sang 2.5 grams nga ginabulubanta nagabalor sang P17,000 kag iban pa nga mga non drug items.
Yara karon sa kustodiya sang Moises Padilla MPS si Gumban kag magapangatubang sang kaso nga paglapas sa RA 9165 ukon ang Comprehensive Dangerous Drug Act of 2002.
