Magaserbe si Bacolod City Number 1 Councilor Thaddy Sayson bilang acting mayor sa ciudad sang Bacolod sa sulod sang 11 ka adlaw humalin Domingo Setyembre 22 tubtob Oktubre 2, 2024.
Ini bangud nga si Mayor Albee Benitez kaupod si Vice Mayor El Cid Familiaran kag iban pa nga mga konsehal ang magapadulong sa pungsod Italy.
Sa interview sang DYHB kay Sayson iya ginpahayag nga kahapon Setyembre 22 nangin epektibo ang memo sa iya bilang acting mayor.
Suno kay Sayson nga ini ang pinakalawig nga magaserbe sya nga acting mayor sang ciudad sa termino ni Mayor Albee Benitez.
Nagapanugyan naman ang Konsehal sa mga katapo sang PNP, CDRRMO, BFP kag mga Barangay Official nga bantay kag mag aligmat sa ila tagsa ka area of responsibilities subong man panugyan sa mga Bacolodnon nga mangin vigilante sa palibot
