Magapasar sang resolusyon ang Sangguniang Panglungsod sang ciudad sang Sagay agud mapadasig ang imbestigasyon natuhoy sa delay nga pagpanagtag sang Health Emergency Allowance (HEA).
Ini angut matapos magpalapit sang pila ka mga health workers sang ciudad sa opisina ni Mayor Narciso Javelosa Jr. agud makuha kuntani ang ila HEA nga wala mapanagtag sang City Treasurer nga si Juvy Pinongan.
Sa interview sang DYHB kay Vice Mayor Leo Rafael Cueva iya ginpahayag nga ang pag-pagpasar sang resolusyon ang igaduso sa session sang SP kaupod si Mayor Javelosa sa maabot nga Miyerkules, Setyembre 25, 2024.
Suno kay bise alkalde nga tinguhaan man sang SP nga ma-imbitar ang Tresurera agud maka-eksplekar man ini kag mapamatian sang mga iya nag bahin.
Madumduman nga sa tuyo ni Mayor Javelosa nga makita ang kwarta sa City Treasurers Office ginmandu sini nga abrihan ni Pinongan ang daku nga vault apang sabat sang tresurera nga nalipat ini sang number combination.
Ginatugyan naman ni Cueva sa Legal Department sang ciudad ang proseso kag mga tikang sini natuhoy sa nasambit nga insidente.
