Nagdepensa ang Bangko Sentral ng Pilipinas (BSP) sa pagbaligya sang 24.95 tonnes sang gold holdings sa first half sang 2024.
Suno sa BSP, nagpamintaha sila sa mataas nga presyo sang gold sa merkado agud makatipon sang dugang nga income nga wala gina-compromise ang primary objective sa pagtago sang bulawan sang central bank, nga amo ang insurance kag safety.
Ini matapos natalapungdan sang online aggregator nga BestBrokers nga ang Pilipinas amo ang may pinakadamo nga gold nga ginbaligya sa first half sang 2024 santo sa report sini sa World Gold Council (WGC).
Suno sa BestBrokers, nagnubo sa 134.06 tonnes ang gold reserve sang Pilipinas matapos ang pagbaligya halin Enero tubtob Hunyo. Nagsunod sa Pilipinas ang Uzbekistan nga nagbaligya sang 6.22 tonnes sang gold; Mongolia- 1.33 tonnes kag Singapore-1.18 tonnes.
