Nagpaandam ang mga world leaders sa idalom sang United Nation batok sa Israel sa pagpatigayon sang ‘full scale war’ sa Lebanon.
Santo sa pinakaulihi nga rekord sang Lebanon nagresulta sang 558 ka mga indibidwal ang nagtaliwan nga ginalakipan sang kapin 50 ka mga kabataan matapos ang pagpatigayon sang Israel sang strike.
Base sa pahayag ni United States President Joe Biden, wala ni isa ang may interesado sa kinagamo, kag sa tunga sang nagasaka nga tensyon ukon sitwasyon sa lugar, ginalantaw sa gihapon sang presidente ang posibilidad nga diplomatic solution.
Ang diplomatic solution ang ginalantaw nga mangin alagyan para sa mga nahalitan nga mga residente sa lugar nga makabalik sa ila tagsa ka mga puluy-an.
Apang nagpakita sang pagkadismaya si Biden sa ginsiling ni Lebanon’s foreign minister Abdullah Bou Habib nga sila ang wala nagasaad kag indi makasolbar sang problema sang Lebanon.
