Nagpaguwa sang open letter ang 33 ka mga kapitan sa Bacolod nga nagapalayag sang ila kagustuhan nga magapdayon mayor si Albee Benitez kag indi congressman.
Santo sa sulat, ginpahayag sang mga kapitan nga ila nahangpan nga samtang nagahilapit ang eleksyon, ginapanumduman sang alkalde ang pagpadalagan sa pagka-congressman. Apang suno sa mga ini, sila nagapati nga mas kinahanglan ni Benitez nga magpabilin nga alkalde sang Bacolod, ang posisyon nga may dako nga impact sa sulod sang duha lamang ka tuig.
Dugang pa sang mga kapitan, nga sa idalom sang liderato ni Benitez, ila nakita ang innovative programs, improvements kag pagbag-o sang landscape sang ciudad.
Nagapati ang mga kapitan nga ang pagsaylo pananglitan sa congressional role ni Benitez ang makatuga sang mga pagpang-alang alang sa mga ongoing projects kag magasablag sa momentum nga ila natukod.
Nagalaom ang 33 nga nagpirma sa open letter nga hakson kag pamatian ni Albee ang ila ginpalayag nga sentimiento bangud sila ang nagasuporta sa pagpadayon sini bilang mayor sang Bacolod City.
