Nakahanda na ang parking hub sang SM City Bacolod nga magaserbe bilang temporaryo nga salayluhan sang mga tenants sang Manokan Country.
Ini matapos nga ginpatigayon ang inspection kahapon nga adlaw Setyembre 25, 2024 sang City Engineering Office (CEO) kag City Legal Office (CLO).
Suno kay Engineer Loben Ceballos, officer-in-charge sang CEO functional na ang nasambit nga salayluhan kun sa diin kumpleto ang pasilidad sini lakip na ang tubig kag kuryente.
Ginapaabot naman nga iga turn-over sang SM Prime Holdings Inc. (SPHI) ang lyabe sang mga stalls sa ciudad apang suno kay City Legal Officer Romeo Carlos Ting Jr. dapat yara sa turn-over ang mga tenants kag personal nga batunon sang mga ini sang ila nagakaigo nga stalls.
Dugang pa may yara sang 24 ka mga stalls ang iga-turn over apang 17 lamang sa mga tenants ang sarang diri mag-okupar bangud ang pila sa mga tenants ang indi kwalipikado bangud may kapaslawan nga ma-settle ang ila arrears nga nagalab-ot sa P500,000.
Pahayag ni Ting nga posible sa masunod nga semana amat-amat na sila nga makasaylo kag sa tion nga tanan sini ang naka transfer na, patigayunon pag-fence sang lugar.
Mahatag man sang mga rules and regulations ang ciudad sa mga tenants kag sa matapos ang paghatag nasambit nga mga pagsulundan, magahatag sang deadline ang CLO sang deadline para sa ila pagbalhin.
Ang temporaryo nga pagsaylo sang mga tenants sang Manokan Country ang libre nga ginhatag sang SPHI nga libre sa pag-arkila sa sulod sang duha ka tuig. Ginarentahan man sini ang porsyon sang lot property sang city government sa Barangay 12, sa diin nahamtang man ang Manokan Country para sa redevelopment project.
