Ginpangunahan ni Governor Eugenio Jose “Bong” Lacson ang groundbreaking ceremony sang P500 million nga infra project sa banwa sang Hinobaan kahapon nga adlaw, Setyembre 25, 2024.
Ang nasambit nga proyekto ang bahin sang rehabilistayon sang Farm-to-Market nga dalan kag taytay nga halin sa Brgy. Talacagay pakadto sa Brgy. Bacuyangan padulong sa Brgy. Damutan sang nasambit nga banwa.
Ang dalan ang may kalabaon nga 24.475 km nga may kalaparon nga 9-10 meters samtang ang taytay naman ang 30 – linear meter nga may kalaparon nga 5.60 meters.
Tinutuyo sini ang pagpauswag sang ekonomiya kag paghatag sang maayo nga dalan sa mga pumuluyo sang tagsa ka mga barangay.
Nag-upod sa nasambit nga groundbreaking ang Local Government Unit sang Hinobaan, mga partners sang proyekto kag iban pa nga mga opisyales sang banwa kag probinsya. Ginalauman nga matapos ang infra project sa Hunyo 2026.
