Ginhatagan pagkilala sang Negros Occidental Police Provincial Office (NOCPPO) ang mga police stations nga may maayo nga performance kadungan sang flag raising ceremony sa headquarters kahapon.
Ang mga police stations ang ginkilala bangud sang maayo nga performance nga narekord halin Setyembre 9-15, 2024.
Sa kategorya sang Most Number of Police Operations Against Illegal Drugs ginkilala ang Silay CPS, Victorias CPS kag Pontevedra Municipal Police Stations. Sa bahin naman sang
Most Number of Police Operations and Arrest of Other Wanted Person ginkilala ang Victorias City Component Police Station, Bago CCPS kag Escalante CCPS. Samtang sa Most Number of Police Operations Against Illegal Gambling ginkilala ang Bago CCPS kag Calatrava Municipal Police Station.
Ginpangunahan ni Provincial Director PCol. Rainerio de Chavez ang pagkilala sa mga performing police stations.
