Nauna nga adlaw sang pag-file sang COC sa ciudad sang Bacolod, nangin matawhay
BACOLOD CITY- Nangin malinong kag matawhay ang nauna nga adlaw sang pag-file sang Certificate of Candidacy sa ciudad sang Bacolod, kun sa diin ini ang ginpahamtang sang Commission on Elections sa Liga ng Barangay.
Base sa pahayag ni Police Major Elmer Bonilla, Station Commander sang Bacolod City Police Station 1, wala sang may narekord nga nangin problema sa pag-file sang COC.
Nahibaluan nga si Former Mayor Bing Leonardia pa lang ang nag-file sang iya nga COC sa pagka-Congressman sa ciudad.
Yara sa kapin 500 ka mga supporters ni Leonardia ang nagpakita sang supporta sa iya nga pag-file magluwas sa iya nga pamilya.
Nagalaum si Bonilla nga mangin malinong kag matawhay ang pag-file sang COC sa sulod sang walo ka adlaw nga magatakop sa Oktubre 8.
