LA CASTELLANA- Nagsungka kapin las-9 sang aga, Miyerkules nga adlaw, Oktubre 2, si anay La Castellana Sangguniang Bayan Member Donato ‘Natnat’ Dumaguit matapos nga na-imbolbar ang pangalan sa isa ka recruitment scam sa luyag nga mangin katapo sang Philippine National Police (PNP).
Base sa pahayag ni Police Major Rhojn Nigos, hepe sang La Castellana Municipal Police Station, nagsungka si Dumaguit kadungan sang natalana nga arraignment sa amo nga adlaw. Gilayon naman nga nag-piyansa si Dumaguit sang kapin ₱220,000 sa kaso nga 12 counts of estafa batok sa iya.
Pagkatapos nga makapiyansa, siya liwat ang ginserbehan sang panibag-o nga Warrant Of Arrest (WOA) natuhoy sa 11 counts of estafa.
Temporaryo nga nahunong si Dumaguit sa amo police station para sa nagakaigo nga disposisyon. Madumduman gin-expel ukon ginkakas sa pwesto si Dumaguit matapos ang 14 absences sa Sangguniang Bayan.
Una naman nga na-aresto si Mary June Delos Santos nga ginatudlo mastermind sa amo nga modus, kun sa diin hibaluan nga ang 43 ka mga complainant ang nakuhaan sang kapin P247,000 kada isa agud madasig nga nakasulod sa PNP sa pagpasalig nga buligan sila ni delos Santos mangin isa ka pulis bisan wala ang mga ini nakatapak sa kolehiyo. (INSERT VC PMAJOR RHOJN DARRYL NIGOS)
Samtang sa impormasyon nga nakuha sang DYHB, nag-file sang Certificate of Candidacy (COC) si Dumaguit sa pagka-Vice Mayor sang La Castellana para sa 2025 election.
